第五十九卦 【渙】風水渙 巽上坎下

渙　：亨。王假有廟，利涉大川，利貞。



　　彖曰：渙，亨。剛來而不窮，柔得位乎外而上同。

　　王假有廟，王乃在中也。利涉大川，乘木有功也。

　　象曰：風行水上，渙；先王以享於帝，立廟。

　　初六：用拯馬壯，吉。

　　象曰：初六之吉，順也。

　　九二：渙奔其機，悔亡。

　　象曰：渙奔其機，得願也。

　　六三：渙其躬，無悔。

　　象曰：渙其躬，志在外也。

　　六四：渙其羣，元吉。 渙有丘，匪夷所思。

　　象曰：渙其羣，元吉；光大也。

　　九五：渙汗其大號，渙王居，無咎。

　　象曰：王居無咎，正位也。

　　上九：渙其血，去逖出，無咎。

　　象曰：渙其血，遠害也。

　　講議篇 第五十九卦 風水渙

　　問前程：表示呢個人周圍的開始離佢而去，無論幫唔幫得手都逐漸疏遠，現在應該諗下點樣可以令果班人埋番堆，唔好令到自己孤獨。

　　問婚姻：系一段好唔穩定的姻緣，問結婚就要慢慢考慮，未系時候，問離婚亦唔符合卦義，因為渙即系散咁解，但系呢一卦的主要目的系制止渙散，所以問離婚系唔巖的。

　　問事業：無論合作同獨資都系先難後易，問轉工就宜靜不直動。

　　初六：

　　問前程：對自己無益的人或者事物，一定要決絕Ｄ，唔好拖泥帶水，否則一定俾佢累的。

　　問婚姻：系一段好好的婚姻，但系要小心，有小人破壞，有閒言閒語出現就千祈唔好掉以輕心，問結婚就好快成功，有意思就結婚就快快決定，問離婚就唔符合爻義，因為初六有順九二之勢，順強之勢，所以無離婚之意。

　　問事業：可以合作，獨資就無咁好，因為要有一個強有力的靠山就會好順利，打工就唔好轉工。

　　九二：

　　問前程：發覺做左呢份工或者呢個行業咁耐都無乜進展，都無乜突破的時候就要考慮轉呔，佔到呢一爻系一個提示，如果無須要改變現狀系唔會出到呢一爻的。

　　問婚姻：系一段好多吵鬧的婚姻，因為瓣瓣唔妥，問離婚就好快，問結婚就唔巖爻義，因為呢度話同自己最初的理想唔符合就要離開，婚姻呢樣野多數都同最初的理想系無可能符合的，所以問離婚就一定成功而問結婚就係一個兇象。

　　問事業：合作就無可能，因為講過的野未必做得到，獨資就有成功的可能，因為自己渣曬主意就可以隨時變，打工就要預備轉工，佔到呢一爻即系話俾你聽，呢份工唔巖你。

　　六三：

　　問前程：表示現在做野未系時候，要等，因為大環境同自己的理想有一段距離。

　　問婚姻：系一段好姻緣，問結婚就好，問離婚就唔巖，因為就算有問題都肯去解決。

　　問事業：合作或者獨資都唔好祈望短期有收穫，打工就如果繫有希望的就可以留低，例如總經理就死佢死左就到你，就可以留低，如果唔系，無乜着數的都系走好過。

　　六四：

　　問前桯：表示現在做的野系未有利益，要將眼光放遠Ｄ，唔好着眼於目前利益。

　　問婚姻：系一段好姻緣，問結婚就好，問離婚就唔符爻義，因為唔主張為目前的問題而離婚。

　　問事業：合作繫好的，反而獨資就無咁好，打工就唔主張轉工。

　　九五：

　　問前程：完全系講用人的手段，一方面要運用自己的影響力，一方面要運用財力淨系得把口“乙水”人系唔得的。

　　問婚姻：系一段好姻緣，問結婚就好離婚就唔巖，因為汗其大號，決定左的野系唔會改變的。

　　問事業：無論合作或者獨資，都要預備蝕到達積蓄都要擺埋出來，所以呢一爻做生意系唔巖的，因為死牛一邊頸，實死，打工就唔使轉工。

　　上九：

　　問前程：表示開始否極泰來，一個轉變，以前害自己的人現在都遠離曬。

　　問婚姻：系一段好多爭拗的婚姻，但系吵吵鬧鬧又一年，所以呢一爻問離婚系唔贊成，問結婚亦好快成功，因為Ｄ阻力無曬。

　　問事業：無論合作或獨資，只要系創業都系辛苦的，要有心理準備，好耐先至有收成打工就唔使轉工，因為Ｄ小人無曬。