第二卦 【地】坤為地 坤上坤下

坤　：元，亨，利牝馬之貞。

　　　　　君子有攸往，先迷，後得主，利西南得朋，東北喪朋。安貞，吉。

　　彖曰：至哉坤元，萬物資生，乃順承天。

　　　　　坤厚載物，德合無疆。含弘光大，品物咸亨。

　　　　　牝馬地類，行地無疆，柔順利貞。君子攸行，先迷失道，後順得常。

　　　　　西南得朋，乃與類行；東北喪朋，乃終有慶。安貞之吉，應地無疆。

　　象曰：地勢坤，君子以厚德載物。

　　初六：履霜，堅冰至。

　　象曰：履霜堅冰，陰始凝也。馴致其道，至堅冰也。

　　六二：直，方，大，不習無不利。

　　象曰：六二之動，直以方也。不習無不利，地道光也。

　　六三：含章可貞。或從王事，無成有終。

　　象曰：含章可貞，以時發也。或從王事，知光大也。

　　六四：括囊，無咎，無譽。

　　象曰：括囊無咎，慎不害也。

　　六五：黃裳，元吉。

　　象曰：黃裳元吉，文在中也。

　　上六：戰龍於野，其血玄黃。

　　象曰：戰龍於野，其道窮也。

　　第二卦坤為地講議篇

　　佔到呢一卦問前程，表示來問卦的人一定要有容人之量，亦都要較為低調，因為呢一卦系講要知自己的位置，唔好過龍，所謀的事未有咁快可以成功。

　　問婚姻系一段好實際的婚姻，唔會好浪漫，問結婚就好，問離婚就唔符合卦義，因為呢一卦主旨系以順從為主，如果離婚就必有一方唔肯順從。

　　問事業贊成創業，亦都主張合作，打工就唔主張跳槽。

　　初六：

　　佔到呢一爻問前程，所謀的事開始有些成績，就快會有大發展，就快有收穫，呢度絕對唔會理會所謀的系好事定系壞事。

　　問婚姻，呢段唔系一段好的姻緣，常因小小事就吵大鑊，問結婚就唔贊成，問離婚就好快趣。

　　問事業唔主張創業，亦唔主張合作，打工就主張轉工。

　　六二：

　　佔到呢一爻問前程，所謀的事一定會有變卦，隨時會有相反的情形出現，因為呢一爻靜態突然變動態，所以有變動。

　　問婚姻，問結婚就好，唔主張離婚，因為卦主系顯露坤的德行，但系如果女人問離婚就一定離得成，因為六二之動直以方也，無得救。

　　問事業主張創業，亦主張合作，打工宜靜不宜動。

　　六三：

　　佔到呢一爻問前程，暫時未有發展的機會，都要等下先。

　　問婚姻一定唔好叻過對方，呢個對方系講老公，如果樣樣要叻過老公，呢段婚姻就有問題。問結婚就好，問離婚就唔符合爻義，因為呢一爻系講究遷就忍受，所以唔主張離婚。

　　問事業唔主張創業，主張合作，系唔需要自己出主意，就可以放心投資。打工就要等機會跳槽，因為再留低都無乜發展機會。

　　六四：

　　佔到呢一爻問前程，千祈唔好爭住出主意，最好就唔出聲。

　　問婚姻如果未結婚就表示會有人破壞，問結婚就好，問離婚就唔成功，因為呢一爻系唔主張變動的，亦都唔主張有人出主意，離婚即繫有唔同的意見，提出唔同的意見就更加唔對，所以唔主張離婚。

　　問事業就唔主張合作，亦唔好創業，打工亦唔主張跳槽，小心去保住份工先至系真的。

　　六五：

　　佔到呢一爻問前程，表示才幹可盡情發揮，但系都唔好太過張揚，最好就係將功勞俾曬人。問婚緣，未結婚就好快成功，贊成結婚，唔主張離婚。

　　問事業可以創業，亦都贊成合作，打工就唔主張轉工。

　　上六：

　　佔到呢一爻問前程，有大發展的機會，但系又鬥爭得好劇烈，話唔埋要同以前的朋友拍擋反面，但系極度主張一路做落去，唔退縮。

　　問婚姻唔系一段好婚姻，問結婚唔好，離婚就好，因為敢於反抗。

　　問事業就唔好合作，可以創業，打工就預備轉工。