第四十六卦 【升】地風升 坤上巽下
升 :元亨,用見大人,勿恤,南征吉。
彖曰:柔以時升,巽而順,剛中而應,是以大亨。
用見大人,勿恤;有慶也。南征吉,志行也。
象曰:地中生木,升;君子以順德,積小以高大。
初六:允升,大吉。
象曰:允升大吉,上合志也。
九二:孚乃利用禴,無咎。
象曰:九二之孚,有喜也。
九三:升虛邑。
象曰:升虛邑,無所疑也。
六四:王用亨於岐山,吉無咎。
象曰:王用亨於岐山,順事也。
六五:貞吉,升階。
象曰:貞吉升階,大得志也。
上六:冥升,利於不息之貞。
象曰:冥升在上,消不富也。
講議篇 第四十六卦 地風升
問前程:做事欲速不達,來問卦的人一定好心急,偏偏呢一卦系主張唔使急,尤其是要做重大決定的時候,千祈唔好當機立斷,一定要重新考慮,
問婚姻:呢段姻緣一定好有基礎,問結婚就好,問離婚就唔贊成,因為卦義系破土而出,破開阻礙,所以問離婚就唔巖,
問事業:利於創業有開創的精神,可合作,可以由小變大,打工要轉工,因為升系主張轉換環境。
初六:
問前程:有一個充份發揮才幹的環境,做乜野都系一個好時機,
問婚姻:系一段好姻緣,問結婚就好,問離婚就唔贊成,因為呢一爻系講大家一條心,所以無理由離婚,
問事業:原則上都贊成合作,志同道合,合作當然好啦,打工就適合轉工,因為外邊有更好的。
九二:
問前程:表示會有人幫自己達到目的,或者利用人地而達到目的,所謀的事多數成功的,
問婚姻:要成功唔多唔少都要用d手段,例如收買中心,外母政策之類,結婚就好,唔贊成離婚,識得玩手段,就算包二奶都唔會離婚,
問事業:合作同創業都繫好的,可以利用周圍的環境,又可以買上買下,面面俱圓,打工就留低重有發展。
九三:
問前程:唔好根根於眼前利益,升虛蝕頭注都唔緊要,同時唔好俾短期利益呃到。
問婚姻:目前好似無乜進展,但繫好快有轉機,問結婚就好,問離婚就唔好,因為爻辭話現在唔理想,忍下就無問題,
問事業:無論創業,或者合作短期內都無乜好野出現,唔好講話有回報,所以想搵快錢就唔符合爻義,打工就留低好d,俾d耐性就會有發展。
六四:
問前程:表示以前做落的好多預備功夫,現在發揮佢的作用,以前幫過的人,現在幫番你,以前所學的野現在可以學有所用,可以開始做自己想做的野,
問婚姻:佔到呢一爻就一定系等左好耐,所以問結婚就一定成功,問離婚就未必咁巖,因為爻辭話等左好耐,卒之可以做勒,應該唔會系離婚掛,
問事業:創業同合作都好,因為呢一爻的士氣好好,所以應該有利於做野,新的組合,打工就一定升職,因為有人照住。
六五:
問前程:一路都有好環境屬於志得意滿的階段,有少少暴發戶而又忘形的意思,
問婚姻:繫好的姻緣,結婚就好,唔贊成離婚,
問事業:系收成的階段,但系做野就要實際d,原則上都贊成合作,創業就未必咁好,因為機會己經過左,己經無左博殺肯捱的心態,所以創業麻麻地,打工都繫留番在原位好d。
上六:
問前程:來問卦的人佔到升卦上爻表示呢個人現在做緊d野好唔實際,應該無乜好的結果,所以應該重新檢討,或者暫時停止,
問婚姻:大家未曾系咁瞭解,要重新互相瞭解,問結婚繫好的,因為卦爻話點“花fit”都唔緊要,只要識番屋企就得,問離婚就唔巖,對方的行為好過籠,但系都會改的,
問事業:創業同合作都唔巖,唔實際就做乜都無用,打工就唔好跳糟,如果跳糟以為有人工加有得升職就一定會失望。